Certifiko biznesin tuaj

ISO 9001 është standard ndërkombëtar për Sistemin e Menaxhimi të Cilësisë (SMC).ISO 9001 është një standard bazik për ngritjen e një  sistemi të menaxhimit me anë të të cilit orientojmë organizatën në realizimin e objektivave të vendosura në aspektin e ofrimit të produkteve/shërbimeve cilësore dhe rritjen e përformancës së brendshme. Sistemi i menaxhimit të cilësisë sipas standardit ISO 9001:2015, është koncept i ri i menaxhimit të organizatës i bazuar në grupin e standardeve ndërkombëtare. Është bërë standard botëror, për organizimin e punës, të cilën e kanë pranuar mbi 170 shtete të botës. Në këtë standard janë vendosur kërkesat të cilat çdo organizatë në punën e saj duhet ti plotësojë. Në ekonominë moderne, certifikimi me ISO 9001 është kusht minimal për lidhjen e partneritetit, bashkëpunimit dhe kontraktimit të punëve.  
Standardi ISO 9001:2015 i menaxhimit bazohet në përmbushjen e grupit të kërkesave pasuese:
Kërkesat e përgjithshme të sistemit të menaxhimit së cilësisë dhe dokumentacionit të nevojshëm,
Përgjegjësinë e menaxhmentit të kompanisë,
Menaxhimi me resurset materiale dhe njerëzore, 
Procesi i prodhimit gjegjësisht ofrimit të shërbimit, 
Matjet, analizat dhe përmirësimi.

KUSH MUND TË ZBATOJ DHE TË CERTIFIKOHET ME STANDARDIN ISO 9001?
Standardin ISO 9001:2015, mund ta zbatojnë të gjitha organizatat pa marrë parasysh madhësinë e saj dhe pa marrë parasysh llojin e veprimtarisë, e që mund të përfshijë:
Prodhimi, Shërbimet e ndryshme, Energjia, Përpunimi i ushqimit, Qeveri qendrore dhe lokale, Turizëm, Përpunim, Transport, Telekomunikim, Bujqësi, Edukim, Tregti etj.

ISO 14001 është standard ndërkombëtar për Sistemin e Menaxhimit të Mjedisit (SMM).
Sistemi i Menaxhimit të Mjedisit sipas  ISO 14001 është një mjet menaxhues i cili i mundëson organizatës që të: 

Identifikojë dhe kontrollojë ndikimin në mjedis të shkaktuar nga aktivitetet, produktet dhe shërbimet që organizata ofron

Përmirësojë performancën mjedisore vazhdimisht 

Të aplikoj qasje sistematike në vendosjen objektivave mjedisore dhe arritjen e tyre  dhe me qëllim të demonstrimit se ato janë arritur

Siguron organizatën është duke vepruar konform kërkesave ligjore në fuqi.

ISO 14001 është ndërtuar mbi tri parime fondamentale: parandalimi i ndotjes, përputhshmëria me legjislacionin, përmirësim i vazhdueshëm i sistemit të menaxhimit të mjedisit. 
ISO 14001 të përdoret si mjet i cili fokuson aspektet tuaja të mjedisit apo mënyrën se si aktivitetet tuaja, produktet apo shërbimet e ofruara bashkëveprojnë me mjedisin (emisioni në ajër, tokë dhe ujë). Organizatat duhet të vendosë objektivat mjedisore, të përshkruajnë se çka, kush, kur dhe si i kryen aktivitetet e tyre lidhur me mjedisin, të ju përmbahen procedurave të aprovuara dhe të regjistrojnë aktivitetet e tyre në mënyrë që të dëshmojnë plotësimin e kërkesave dhe përmirësimin. 
ISO 14001 është e dizajnuar ashtu që është në përputhshmëri me standardet tjera të sistemit të menaxhimit siç janë ISO 9001(cilësi), ISO 45001(siguri në punë), ISO 17025(cilësi e laboratorëve), ISO 22000 (siguri ushqimore) dhe standardeve tjera ISO. Këto mund të integrohen në mënyrë të papengueshme nëpërmjet qasjes së krijimit të një Sistemi të Integruar të Menaxhimit. Këto standarde ofrojnë shumë parime prandaj përcaktimi për krijimin e një sistemi të integruar paraqet një mjet të shkëlqyeshëm për kursim të parave, mënyrë më të lehtë të zbatimit, menaxhimit dhe përmirësimit të shumë standardeve në të njëjtën kohë.  

KUSH MUND TË ZBATOJ DHE TË CERTIFIKOHET ME STANDARDIN ISO 14001?
Standardin ISO 14001, mund ta zbatojnë të gjitha organizatat pa marrë parasysh madhësinë e saj dhe pa marrë parasysh llojin e veprimtarisë, e që mund të përfshijë sektorin e:
Prodhimit, Energjisë, Xehetarisë, Ndërmarrjet publike në kuadër të komunës dhe qeverisë qendrore, Shërbimet e ndryshme, Përpunimi i ushqimit, Industria ndërtimore, Turizmi, Përpunim, Transport, Bujqësi, Tregti etj.

ISO 45001:2018, është standard ndërkombëtar për Sistemin e Menaxhimit të Mbrojtjes së Shëndetit dhe Sigurisë në Punë.

Ky standard është publikuar në korrik 2007, dhe adreson çështjet që kanë të bëjnë me mbrojtjen e shëndetit dhe sigurisë në punë e të gjithë punëtorëve të përfshirë në aktivitetet e organizatës. Ky standard nuk ka të bëjë me  sigurinë e produktit. 

ISO 45001 siguron kornizë efikase për menaxhimin e mbrojtjes së shëndetit dhe sigurisë në punë duke përfshirë përputhshmërinë me legjislacionin i cili aplikohet në aktivitetet e organizatës dhe identifikon rreziqet.

Organizatat që zbatojnë standardin ndërkombëtar ISO 45001 do të kenë një strukturë të qartë me autoritete dhe përgjegjësi të definuar, objektiva të qarta për përmirësim, rezultate të matshme, qasje të strukturuar në vlerësimin e rrezikut. Kjo përfshinë monitorimin e rregullt dhe të dështimeve në sistemin e menaxhimit të mbrojtjes së shëndetit dhe sigurisë në punë, auditimin e brendshëm performancës së sistemit dhe rishikimi i politikave dhe objektivave.

 
Në tregun konkurrent, klienti juaj kërkon më shumë se sa ofrimi i një çmimi të volitshëm nga furnizuesi. Kompanitë duhet të demonstrojnë që bizneset e tyre menaxhohen me efikasitet dhe përgjegjshmëri në mënyrë që ata të ofrojnë  shërbime të sigurta pa shkaktuar incidente që do të humbnin besimin e klientit. 
ISO 45001  është e dizajnuar ashtu që është në përputhshmëri me standardet tjera të sistemit të menaxhimit siç janë ISO 9001(cilësi), ISO 17025(cilësi e laboratorëve), ISO 22000 (siguri ushqimore) dhe standardeve tjera ISO. Këto mund të integrohen në mënyrë të papengueshme nëpërmjet qasjes së krijimit të një Sistemi të Integruar të Menaxhimit. Këto standarde ofrojnë shumë parime prandaj përcaktimi për krijimin e një sistemi të integruar paraqet një mjet të shkëlqyeshëm për kursim të parave, mënyrë më të lehtë të zbatimit, menaxhimit dhe përmirësimit të shumë standardeve në të njëjtën kohë.  

KUSH MUND TË ZBATOJ DHE TË CERTIFIKOHET ME STANDARDIN ISO 45001?
Standardi aplikohet në të gjitha organizatat pa marrë parasysh madhësinë që dëshirojnë të eliminojnë apo minimizojnë rrezikun që mund ti ekspozohen  punëtorët dhe palët tjera gjatë zhvillimit të aktiviteteve të tyre. Kjo mund të përfshijë sektorin e:  
Prodhimit, Energjisë, Xehetarisë, Ndërmarrjet publike, Shërbimeve të ndryshme, Përpunimi i ushqimit, Industria ndërtimore, Përpunim, Transport, Bujqësi, Tregti etj.